असंवैधानिक संसद विघटन विरुद्ध नागरिक संगठनहरुको संयुक्त प्रेस विज्ञप्ति

सामाजिक न्याय एवम् विकास र समृद्धिका लागि करिब दुई तिहाई मतका साथ केपी शर्मा वलीको नेतृत्वमा गठन भएको सरकारले जनअपेक्षा अनुरुप काम नगरेको, सुशासन एवम् सामाजिक न्याय र विकास दिन असफल प्रायः भएको अवस्थामा नेपाल कम्युनिष्ट पार्टी भित्रको आन्तरिक मतभिन्नतालाई कारण देखाई नागरिक सर्वोच्चताको अभ्यास गर्ने सार्वभौम संसदलाई निहित स्वार्थ सिद्ध गर्न असंवैधानिक ढंगले विघटन गर्नुले मुलुकमा विधिको शासनको मात्र उपहास भएको छैन, नागरिक सर्वोच्चतामाथि समेत निर्मम प्रहार भएको हाम्रो साझा निश्कर्ष रहेको छ । अतः यस्तो गैरसंवैधानिक कदमले हजारौं–हजार नागरिकको वलिदानीबाट प्राप्त संघीय लोकतान्कि गणतन्त्रमाथि चुनौती खडा गरेकाले सम्पूर्ण मानवअधिकार, सुशासन एवम् लोकतन्त्र पक्षधर नागरिकलाई आन्दोलनका माध्यमद्धारा पुनःलोकतन्त्र हासिल गर्न एकपटक निर्णायक आन्दोलनका लागि तपशिलमा उल्लेखित संस्थाहरु हार्दिक अपिल गर्दछौं ।

तपशिल
सुशासन महासंघ नेपाल, प्रमुख सल्लाहकार – प्रकाश विकल्प
नेपाल जलवायु परिवर्तन महासंघ, अध्यक्ष -आरके ढुंगाना
नेपाल नागरिक समाज, अध्यक्ष -ओमप्रकाश लामिछाने
निर्वाचन पर्यवेक्षण संजाल नेपाल, अध्यक्ष -जनक गिरी
जनअधिकार सरोकार महासंघ नेपाल, अध्यक्ष – दिपक कार्की
एकीकृत राष्ट्रिय दलित गैरसरकारी संस्था महासंघ, अध्यक्ष -युवराज वि.क.
ग्रामिण महिला तथा वालस्वास्थ्य संजाल ,अध्यक्ष, – कोपिला पोखरेल
राष्ट्रिय युवा गैरसरकारी संस्था महासंघ का.वा अध्यक्ष , शशी शर्मा मजँगैया
विश्व उपभोक्ता महासंघ , महासचिव, नवराज खनाल
शहिद स्मृति प्रतिष्ठान नेपाल, महासचिव, भरत के.सी.
किसान महासंघ नेपाल, सचिव, केशवप्रसाद भट्टराई